Lydia Wanyoto bayombedde ettaka ne muto we

Ssentebe w’abakyala mu Kibiina kya National Resistance Movement – NRM, Hon: Lydia Wanyoto Mutende yakwatiddwa ku katambi ngawanyisiganya ebisongovu ne muto we Paul Wanyoto, Munnamateeka ng’entabwe eva ku ttaka lya Famire erisangibwa mu Lumumba Cell, Nabweya Ward mu Kibuga Mbale.

Olutalo wakati wa Munnakibiina kya National Resistance Movement – NRM Hon: Lydia Wanyoto Mutende ne muto we Munnamateeka Paul Wanyoto lwavudde ku Lydia Wanyoto kulagira basajja kutandika kukuba mabaati kukola kikomera okuliraana n’ennyumba ya muto we eyakiwakanyizza nga agamba kiteeka ebyokwerinda bya maka ge mu matigga era bweyakiwakanyizza nebatandika okuyomba.