Ababaka ku ludda oluvuganya bavuddeyo nebawakanya ekya Gavumenti okugamba nti abasirikale b’eggye lya UPDF tebajja kwanjulira IGG byabugagga byabwe nti wabula bakubyanjulira Chieftaincy of Military Intelligence (CMI).
Bano bagamba nti ebyokwerinda biweebwa omutemwa ggwa ssente munene nnyo okuva mu mbalirira y’Eggwwanga nti n’olwensonga nti olwokuba tewali byamaanyi bisaasanyizibwako nsimbi zino bayinza okwagala okwezza ensimbi zino nti nabwekityo kibeera kyabuvunaanyizibwa okwanja ebyobugagga byabwe okumanya oba nga babifuna mu makubo matuufu.