Ababaka ba Palamenti abatuula ku kakiiko akalondoola eby’enfuna by’Eggwanga bakyagaanye okusaba kwa Gavumenti okwewolera musiga nsimbi Munnansi wa Italy Enrica Panetta nga ayita mu kkampuni ye eya Finasi. obukadde bwa ddoola 379 asobole okuzimba eddwaliro ery’omulembe e Lubowa.
Ababaka bagamba nti kikyamu Gavumenti okwewola ku lwa musiga ensimbi ate nga waliwo amalwaliro ga Gavumenti amalala omuli n’e Mulago agetaaga ensimbi zino. Okugeza eddwaliro ly’e Mulago epya lyetaaga obuwumbi 24 bwokka okubeera nga limalirizibwa.
Minisita w’ebyobulamu Jane Ruth Acheng wamu n’omubeezi wa Minisita ow’ebyensimbi David Bahati balabiseeko mu kakiiko kano okwongera okunnyonyola ensonga eno.
lwaki gavumenti yewolera omusiga nsimbi ssente – babaka
