Omumyuka wa Katikkiro Asooka era Minisita w’Emirimu, Obuyiiya ne Tekinologiya yakiikiridde Katikkiro okutikkula abantu ba Ssaabasajja abakiise embuga mu nkola ya Luwalo Lwaffe abavudde mu magombolola okuli; Mumyuka Mpenja e Gomba 2,320,000, Mutuba 9 Goma e Kyaggwe 2,500,000, ne Mutuba 5 Kiganda 660,000.
Mu kwogera kwe, Owek. Prof. Kaawaase yeebazizza abakiise embuga naagamba nti buno buvunaanyizibwa bwabwe era tetujja kunonooza bantu be bbali kutwala nsonga za Buganda mu maaso, “ffe tulina okwekwatiramu”. Yeebazizza abaami olw’okuleeta Oluwalo, naagamba nti ekisinga obukulu kwekutuuka embuga sso ssi muwendo gwa Luwalo luleeteddwa.
Abasabye bekuume akawuka ka COVID19, mu ngeri yeemu abasabye okubeera obumu mu kiseera ky’obululu ate naabo abeesimbyewo baleme kutemaatema mu bantu.
Wonna awamu baleese oluwalo lwa bukadde 5,480, 00
Leave a Reply
You must be logged in to post a comment.