Ssaabawandiisi wa Forum for Democratic Change – FDC ekiwayi ky’e Najjanankumbi Nathan Nandala – Mafabi: “Tukitegeddeko nti wabaddewo olukiiko lwabonna olwa FDC era nebayisa n’ekiteeso. Twagala okuluŋŋamya bwetuti: FDC kibiina ekyawandiisibwa mu mateeka n’Akakiiko k’ebyokulonda aketengeredde aka Independent Electoral Commission of Uganda, nga nabamu kwabo abeyita abakungu mu kibiina kino tebalina offiisi yonna mu FDC. Enkiiko z’ekibiina ziyitibwa abantu abatuufu abali mu offiisi z’ekibiina. Wasswa Biriggwa ne Erias Lukwago aberimbika mu kubeera Ssentebe w’ekibiina ne Pulezidenti sibatuufu era tebalina buyinza kuyita lukiiko lwonna olwabonna.
Bano benoonyeza byabwe nga amawulire era tebasaanye kubamalira budde era tusaba Bannayuganda balemwe kuwubisibwa katemba w’abantu nga Lukwago Erias akyankalanya buli walaga.”