Ssetendekero wa Makerere evuddeyo ku katambi akatambula ku mitimbagano nga kalaga Lecturer ngakuba omuyizi empi n’oluvannyuma namugoba ne munne mu kibiina. Abakulira Makerere bavuddeyo nebavumirira ekikolwa kino kuba kimenya amateeka ga Ssetendekero. Bongerako nti ekikolwa kino tekikirizibwa era yakozesezza bubi obuyinza bwe obwamukwasibwa Yunivasite okuluŋŋamya abayizi.
Yunivasite etaddewo akakiiko okutandika okunoonyereza ku nsonga eno era kaveeyo nekibonerezo nti era Director wa Gender Mainstreaming yatuukiridde dda abayizi bano abakoseddwa era nabetondera. Yunivasite egamba nti yakuvaayo etegeeze Bannayuganda kyonna ekinaaba kituukiddwako.