Minisita avunaanyizibwa ku byenjigiriza n'emizannyo mu ggwanga, Janet Kataha Museveni agamba nti kyetaagisa amatendekero aga waggulu mu ggwanga okussa ennyo essira ku nsonga y'amasomo ga Ssayansi nga lino kkubo lya kuyiiya nnyo eriyinza okujuna Yuganda okukulaakulana n'etuuka n'amawanga amalala agayise mu kuyiiya.
Kataha obubaka yabuweerezza ku mukolo ogw'okusiibula abayizi mu Ssettendekero wa Kisubi – Kisubi Brothers University era nga bwaleeteddwa Minisita avunaanyizibwa ku byenjigiriza mu matendekero aga waggulu, Dr. John Chrizestome Muyingo .
Chancellor w'ettendekero lino, Brother Peter Kazzekulya yasabye bonna abakwasiddwa amabaluwa okulowooza ennyo ku nneeyiisa yaabwe kubaga bazzeeyo mu bantu era buli muntu alindiridde okulaba n'okutegeera oba nga okuyigirizibwa kwabwe buli omu kulina kyekumukyusizzaako.