Omulamuzi wa Kkooti ya Nakawa Elias Kakooza enkya yaleero agaanye nnamwandu wa Henry Katanga, Molly Katanga okubaako kyayogera ku musango ogumusomeddwa ogwokutta bba nga 21-November-2023 nategeeza nti guno gwa nnaggomola ogulina okuwulirwa Kkooti Enkulu yokka.
Molly aleeteddwa emotoka ya Uganda Police Force okuva mu Ddwaliro lya IHK oluvannyuma lwa DPP okuvaayo ku bbalaza neyemulugunya ku Katanga olwobutalabikako mu Kkooti emirundi gyonna gyayitiddwa.
Molly asindikiddwa ku Kkooti Enkulu atandike okuvunaanibwa ogwobutemu nga oludda oluwaabi lwesigamye ku bujulizi obuli mu alipoota y’abakugu eyalaze nti ono yasangibwa n’obuganga bw’amasasi ku mikono gye
Kkooti ebutikiddwa emiranga okuva mu b’oluganda lwe ono bwabadde ayingizibwa mu Kkooti e Nakawa mu kaggaali k’abalwadde.
Leave a Reply
You must be logged in to post a comment.