Omulamuzi wa kooti enkulu mu Kampala Wilson Masalu Musene enkya ya leero awulira okusaba kwa Besigye okweyimirirwa okuva ku meere e Luzira gyakulungudde ebbanga lya myezi ebiri.
Abamu ku bawagizi ba Col Dr Kizza Besigye bakedde kweyiwa ku kooti enkulu era yonna munda nebooga wabula zo enguudo eziri okumpi n’ekkooti eno ziggaddwa omuli Buganda road, Lumumba Avenue, Shimoni Rd okutuusa nga kooti emaze okwabuka.
Besigye atuusiddwa emmotoka entono ey’amakomera okuva e Luzira era ng’atuusiddwa ku kooti ku ssaawa nga 09: 30 wakati mu by’okwerinda ebingi era bw’abadde ayingira akaguli abawagizi be bamukwatidde emizira. Besigye avunaanibwa gwa kulya munsi ye lukwe.
Leave a Reply
You must be logged in to post a comment.