Omulamuzi wa Kkooti ya Buganda Road Gladys Kamasanyu avuddeyo olunaku olwaleero nasingisa eyali omusomesa w’e Makerere Dr. Stella Nyanzi gw’okukozesa obubi internet – Cyber Harassment. Nyanzi abadde ku alimanda okumala emyezi 8.
Dr. Stella atabadde na Bannamateeka be wabula kkooti era agenze mu maaso okumusomera ensala y’omusango ogumuvunaanibwa.
Omulamuzi amugyeeko omusango gw’okulengezza omukulembeze w’eggwanga.
Omulamuzi ategeezezza ababadde mu kkooti nti Dr. Stella byeyawandiika ku mukutu gwe kyonoona obwongo bw’abaana abato nti temwalimu bubaka bwonna okuleka okuvvoola.
Ono ayolekedde okusibwa emyaka 3 oba okuwa omutango gwa kakadde kamu mu emitwalo ana.