Kkooti esazizzaamu okulondebwa kwa MP Achiro

Kkooti ejulirwamu esazizzaamu okulondebwa kwa Omubaka mu Palamenti owa Aruu ey’amambuka mu Disitulikiti y’ e Padel, Lucy Achiro Otim olw’ebigambibwa nti teyagoberera mateeka ga byakulonda.

Mu ngeri y’emu kkooti eno eragidde akakiiko k’ebyokulonda kategeke okulonda mu kitundu kino.

Kino kiddiridde abalamuzi abasatu abatuula ku kkooti eno, Richard Butera, Barishaki Chibrio ne Paul Mugamba, okubanga bagobye okusaba kw’okujulira okwateekebwayo Achiro gyebuvuddeko nga awakanya ekyasalibwawo omulamuzi wa kkooti enkulu, David Matovu, nga naye yali asazizzaamu okulondebwa kwe.