Omulamuzi wa Kkooti enkulu mu Kampala Musa Ssekaana yavuddeyo olunaku lw’eggulo nalagira Gavumenti eriyirire Col. Dr. Kizza Besigye munnakibiina kya Forum for Democratic Change obukadde 10 olwa Poliisi okulinyirira eddembe lye bweyamukwata nemubuzaawo nga yakatuuka ku Kisaawe Entebe.
Nga 3-October-2016 Besigye yakwatibwa Poliisi y’oku kisaawe nga yakatuuka ku nnyonyi ya Kenyan Airways. Omulamuzi Ssekaana yakiriziganyizza ne Munnamateeka wa Besigye Ladislous Rwakafuuzi nti engeri Poliisi gyeyakwatamu Besigye yali ewebuula omuntu eyali avuganyizzaako ku bukulembeze bw’eggwanga. Rwakafuuzi agamba nti Besigye bamusikambula empale ku maddaala g’ennyonyi nga buli omu alaba