Omulamuzi wa Kkooti Enkulu e Masaka Charles Yeteise alagidde Akakiiko k’ebyokulonda aketengeredde aka Electoral Commission Uganda okuddamu okubala obululu bwa Kalungu County esangibwa mu Kalungu Disitulikiti. Kino kivudde kukwemulugunya okwateekebwayo Minisita Bamulangaki Ssempijja Munnakibiina kya National Resistance Movement – NRM eyawangulwa Munnakibiina kya National Unity Platform – NUP Francis Katabaazi eyafuna obululu 12,189 ate ye Ssempijja nafuna 10,865
Okuddamu okubala obululu okwebifo awalonderwa ebyemulugunyizibwako okuli ebyeggombolola ye Bukulula ne Lukaya kwakubeerawo olunaku lw’enkya nga 26-January-2021 ku ssaawa ssatu ez’okumakya.
Omulamuzi alabudde nti tebagezaako okukyuusa ebiri mu bokisi zino nga zitwalibwa okuddamu okubala obululu.
Kkooti eragidde baddemu okubala ake Kalungu
