Kkooti enkulu mu Kampala olunaku lw’eggulo yagobye omusango gw’omubaka wa Kyaddondo East era Munnakisinde kya People Power – Uganda Robert Kyagulanyi Ssentamu aka Bobi Wine gweyali awawabidde Poliisi ya Yuganda olw’okulinyirira eddembe lye ery’okukola okufuna eky’okuzza eri omumwa nga ewera ebivvulu bye.
Omulamuzi Harriet Woloyo, yagaanye eky’okugaana Poliisi okulemesa omuyimbi Bobi Wine okuyimba nga agamba nti Bobi Wine yalemereddwa okulaga obujjulizi obwoleka engeri ebivvulu Poliisi byeyawera gyebyalinyiriramu eddembe lye okukola, okukuba olukungaana, okwogera wamu n’okwetaaya nga omuntu.
Kkooti enkulu egobye omusango gwa Bobi Wine
