Omulamuzi wa Kkooti ya Buganda Road olwaleero agobye okusaba kw’omuwandiisi w’obutabo Kakwenza Rukirabashaija okwokuweebwa Ppaasipooti ye okugenda e Bugirimaani okufuna obujanjabi wamu nokukima engule ye gyeyawangula. Omulamuzi ategeezezza nti tewali bwetaavu bwabujanjabi bwamangu bwetaagisa Kakwenza kugenda bweru kujanjabwa.
Omulamuzi Singiza agamba nti engule Kakwenza gyeyawangula basobola okukola omukolo ku ‘online’. Omulamuzi era agaanyi okusindika fayiro mu Kkooti Enkulu okunoonyereza ku bigambibwa nti Kakwenza yatulugunyizibwa nga agamba nti tekubaddeko kirayiro kya Kakwenza okuleka ekya Munnamateeka we. Okuwulira omusango kwakutandika nga 23-March-2022.