Kkooti ya Buganda Road egobye okusaba okwali kwagitwalirwa abooluganda lwa Muhammad Kirumira nga baagala ayimbulwe kkooti awatali kwekwasa nsonga yonna.
Wabula omulamuzi w'eddaala erisooka mu kkooti yooku Buganda road Robert Mukanza asazeewo n'agamba nti kkooti eno terina buyinza kuyingirira kkooti ya Police bweba nga ekola emirimu gyayo okujjako nga waliwo kkooti endala esingako.
Mukanza era ayongeddeko nti Kirumira ono omupoliisi kkooti gy'awozesebwamu ntuufu nnyo okumuwozesa ate nga n'ebifo gyeyasibibwa bimanyikiddwa bulungi nnyo. N'olwekyo omusango kwekugugoba.
Wabula bino byonna webibeereddewo nga Munnamateeka wa Kirumira Jude Mbabali ne Taata wa Kirumira abaateekayo okusaba kuno tebaliiwo .