Kkooti enkulu mu Kampala egobye okusaba okwakolebwa abawagizi b’omupiira basatu abaali bakuliddwamu Edrine Bazannye nga bano baali baluubirira ekuyimiriza okulondebwa kwa Pulezidenti wa FUFA okulina okubaayo nga 05 Augusto omwaka guno.
Abantu bano babadde era bawakanya ekya Eng. Moses Magogo Pulezidenti wa FUFA okuddamu okuvuganya ku kifo kino nga tavuganyiziddwa.
Omulamuzi Henreyata Wolayo asabye Bazannye ne banne okusasula Moses Magogo awamu n’akulira emirimu mu kitongole kino Edgar Watson nga kwotadde ne National Council of Sports ssente zebasaasaanyizza mu musango guno.