Kkooti egaanye omusomesa eyakwatibwa e Jinja ku nsonga y’ebisiyaga okweyimirirwa

Omulamuzi wa Kkooti y’e Jinja Agnes Musiime yataddewo olwa 4-May nga lwerunaku Kkooti lwegenda okutandika okuwulirako omusango oguvunaanibwa Omumyuuka w’Omukulu w’essomero lya PMM Girls’ SS Lydia Mukodha ne munne gwagambibwa okwegatta naye mu bikolwa ebyokuvuga empanka Martha Naigaga. Bano bakwatibwa nga 3-March oluvannyuma lw’abazadde okuvaayo nebalumba essomero ku bigambibwa nti bano baali bayigiriza abaana baabwe abawala abali mu ssomero lino okwegatta mu bikolwa byokwegatta mu ngere eyekiwunjukira.