Kitatta ajulidde ku kibonerezo ekyamuweebwa

Omuyima wa Boda Boda 2010 Hajji Abdullah Kitatta alabiseeko mu maaso ga Kkooti y’amaggye e Makindye nga awakanya ekibonerezo eky’emyaka 8 ekyamuweebwa olw’okusangibwa n’emmundu nga tazirina mu mateeka.
Kitatta wamu neyali omukuumi we Detective Constable Ngobi Sowali bataddewo ensonga 8 kwebasabira omulamuzi Elly Turyamubona nga yatuula ku Kkooti eno yekka mu kakiiko akajulirirwamu okukendeeza ku kibonerezo ekyabaweebwa kyebagamba nti kinene nnyo.
 
Ababiri bano baagala omulamuzi Turyamubona baagala akendeeze ku kibonerezo ky’emyaka 8 emyeezi 8 ne naku 6 babaweemu ekibonerezo ekisaamusaamu. Kitatta ne Ngobi era bagamba nti abantu 7 abatuula ku kakiiko ka kkooti eno nga bakulemberwamu Lt. Andrew Gutti balemererwa okuleeta abajulizi abetengeredde ekyabalemesa okutuuka ku kusalawo okutuufu.
 
Wabula Omulamuzi Turyamubona tasobodde kuwuliriza nsonga zabano olwokuba Munnamateeka waabwe Isaac Julungo abadde teyetegese.
0 replies

Leave a Reply

Want to join the discussion?
Feel free to contribute!

Leave a Reply