Omukuumi w’omubaka Omukyala akiikirira Buvuma Jennifer Egunyu Nantume Munnakibiina, akubye omutuuze Mwadiki Sadik Kizito esasi namuttirawo. Omubaka abadde agenze ku mwalo gw’e Kiziba mu Gombolola y’e Bugaya mu Buvuma okukola emirimu gy’ekitundu kyakiikirira.
Okusinziira kubabaddewo bagamba nti wabaddewo abavubuka ababadde bekalakaasa nga bawakanya okukyala kw’omubaka ono gwebagamba nti amaze omwaka mulamba nga tadda gyebali kati kiki ekibadde kimututteyo. Omubaka abadde atutte byalaani okubigabira abatuuze wabula abavubuka nebatandika okuwanyisiganya naye ebigambo nti era wano Kizito wasitulidde omuzindaalo omubaka kwabadde ayogerera agutwale ku lyato kwagidde, omukuumi w’omubaka agyeeyo Pistol nakuba amasasi mubbanga okugumbulula abavubuka wabula neberema nga balumba omubaka bwatyo omukuumi nawalirizibwa okukubako omu amasasi mukamwa agamutiddewo.
Omukuumi awalirizza Omubaka okudda mu lyato nebejjawo. Atiddwa abadde Ssentebe was National Resistance Movement – NRM owa Ndwasi era Imam w’e Kizinga.
Kitalo! Omukuumi w’omubaka w’e Buvuma akubye omutuuze essasi
