Kitalo!
Tana Twinomugisha, nga musuubuzi era omutuuze w’e Nyakafura mu Ibumba Parish e Rwamucucu mu Diditulikiti y’e Rukiga yafiiridde mu kabenje ka motoka ate abantu abalala 4 nebalumizibwa ku luguudo oluva e Kabale okudda e Rushebeya.
Abalumiziddwa kuliko muganda w’omugenzi, Tanavensio Byamukama, Joram Bakuza, nga musomesa ku Kantare Secondary School e Kashambya ne Alban Tumwekwase, omusuubuzi e Rushebeya trading center mu Kitojo parish wamu n’omulala atanategeerekeka.
Akabenje kaguddewo oluvannyuma lw’emotoka ekika kya Toyota Kluger nnamba UBD 630K eyabadde evugibwa omugenzi okumulemerera mukkoona negwa neyefuula. Abalumiziddwa badusiddwa mu Kabale Regional Referral Hospital.
Leave a Reply
You must be logged in to post a comment.