Kitalo! Container ekubye emotoka netta abasirikale ba UPDF 2
Kitalo!
Abasirikale b’eggye lya Uganda People’s Defence Forces – UPDF 2 bafiiriddewo mbulaga container bwegweridde emotoka mwebabadde batudde ku Corner Junction ku luguudo lwa Malaba – Jinja.
Abafudde ye Warrant officer Collins Manayanga ne Private James Tumusime, bombi nga bateekebwa mu kitongole ekivunaanyizibwa ku kusolooza omusolo mu Ggwanga ekya Uganda Revenue Authority (URA)/ Customs Malaba. Bano babadde bateereddwa ku T-junction okulagira loole enkalu okudda e Lwakhakha.
Mr Charles Onyango, omukuumi ku ssomero lya Heartland Secondary School eririnaanye awabdde akabenje kano agamba nti kagudde ku ssaawa nga mwenda nga bukya loole eyabadde etisse container bweyaremeredde omugoba waayo netomera Toyota Hilux Double Cabin eyabadde ku mabbali g’oluguudo, container nevaako nekuba emotoka.
District Police Commander, SP Rogers Chebeben akakasizza akabenje kano nategeeza nti Ddereeva yadduse olwamaze okukola akabenje.
