Commissioner Makmot Okello afiiridde ku lugendo lw’ennyonyi e Dubai mu United Arab Emirates (UAE). Ono abadde musirikale wa Poliisi nga akolera mu Minisitule y’ensonga z’omunda nga yavunaanyizibwa ku mmundu entono wamu n’ebitongole ebikuuma ddembe eby’obwannanyini mu ggwanga.
Nga tanazibwa mu Minisitule, Okello yali ku kitebe kya Poliisi e Naguru wakati wa 2009 – 2010 nga yavunaanyizibwa okulondoola emirimu gy’ebitongole by’obukuumi eby’obwannannyini, emmundu mu bantu ababulijjo wamu n’okusunsula mw’abo abaagala emmundu ez’obwannannyini.
Yakulirako ekitongole ekirwanyisa obubbi bw’ebisolo mu district y’e Katakwi, era nga yaliko Regional Police Commander wa West Nile wakati wa 2006 – 2007.
