Kitalo!
Abantu 9 bafiiridde mu Kabenje ku luguudo lw’e Bombo 5 nebalumizibwa byansusso. Omwogezi w’ekitongole kya Uganda Police Force ekikola ku bidduka ASP Faridah Nampiima avuddeyo nategeeza nga Poliisi y’okukyalo Sinalya, e Kalule ku luguudo oluva e Kampala okudda e Gulu mu Disitulikiti y’e Luweero bweyategeezeddwako olunaku lw’eggulo ku kabenje akafiiriddemu abantu ku ssaawa nga munaana n’eddakiika 10.
Motoka bbiri okwabadde Toyota Hiace nnamba UBD 850J, ne UAH 316P, Isuzu Elf bwezatomereganye oluvannyuma lwa Takisi nnamba UBD 850J eyabadde ewenyuuka obuweewo okwabika omupiira ngeserengeta mu kisenyi ky’e Sinalya neremerera omugoba waayo neyefuula netomeregana ne ELF naye neyefuula. Abasabaze nga kuliko abakyala 7 n’omwami omu bebafiiriddewo mbulaga mu Takisi ng’omukyala omulala yafudde atwalibwa mu Ddwaliro e Mulago.