Kitalo!
Abantu 5 bafiiridde mu kabenje emotoka 4 bwezitomereganye ku luguudo oluva e Kampala okudda e Jinja. Akabenje kano kaguddewo ku ssaawa bbiri ez’okumakya e Kayanja, Namataba mu Disitulikiti y’e Mukono Tata ebadde etisse ebikajjo bwetomereganye ne Fuso ebadde etisse emitayimbwa nga eyolekera Kampala.Mu kifo kyekimu owa Isuzu Elf atobedde Pickup bwabadde agezaako okwewoma loole ne Fuso ezabadde zetomedde edda. Abantu 3 ababadde ku loole n’ababiri ababadde mu Fuso bafiiriddewo mbulaga.Okusinziira ku mwogezi wa Kampala Metropolitan Police Patrick Onyango agamba nti Omugoba wa FUSO yamulemeredde bweyabadde agezaako okuyisa emotoka endala bwatyo natomeregana bwenyi ku bwenyi ne Tata y’ebikajjo.