Omwogezi w’ekitongole kya Uganda Police Force ekivunaanyizibwa ku bidduka Faridah Nampiima, avuddeyo nategeeza nga Poliisi y’e Wamatovu mu Katende ku luguudo oluva e Masaka okudda e Kampala bwetandise okunoonyereza ku kiki ekyaviiriddeko akabenje akafiiriddemu abantu 4 nga kano kaguddewo mu kiro nga 17-April-2022. Kano kabaddemu emotoka ekika kya FUSO box body nnamba UBB 288W piki piki Bajaj Boxer nnamba UDG 002S ne Toyota Premio nnamba UAV 137E.
Abafudde nga bano tebanategeerekeka mannya kuliko omukyala omu, omwana omu omuwala, nabasajja babiri abakulu nga kuliko omuvuzi wa piki piki. Abalumiziddwa abalala 3 baddusiddwa mu malwaliro okufuna obujanjabi.
Piki piki ne Premio byatwaliddwa ku Poliisi e Mpigi, ngenteekateeka zokuggyawo FUSO etisse sseminti zigenda mu maaso.