Eyali aduumira Police mu Disitulikiti y'e Buyende, Muhammad Kirumira awangudde ekitundu ekisooka ku misango egimuvunaanibwa mu kkooti ya Police .
Omu ku batangira obumenyi bw'amateeka (Crime Preventer), Ibrahim Bukenya yali yeemulugunya ku Kirumira nti yamulyako Rolex ye ku kifuba Kirumira bweyali akyakulira Police y'e Nansana mu Disitulikiti y'e Wakiso mu 2013 era bw'atyo (Bukenya) n'alaajanira kkooti eno emuyambe Kirumira asasule.
Wabula ate ekyewuunyisa, olwaleero Kirumira bw'alabiseeko mu kkooti, Bukenya takubiddwako kya mulubaale era bw'atyo omuwaabi wa Police Catherine Kusemererwa ogwo n'agumuggyako.
Wabula Kirumira akyavunaanibwa emisango emirala mingi.