Kino kiddiridde abatuuze ku kyalo kya Kisekende okuyoola kasasiro ne bamuyiwa mu luguudo oluva e Mubende okudda e Kampala ekisanyalazza ebyentambula.
Police eyitiddwa bukubirire mu kitundu kino nebatandika okuyoola kasasiro kyokka obwedda buli gwebaggyawo nga abatuuze bazzaawo omulala ekintu ekiggye Police mu mbeera neebaweweenyula kibooko.
Bo abamu ku bakoseddwa embeera eno bategeezezza nti kati emyezi gigenda mu ebiri nga abakozi ba Municipali tebayoola kasasiro songa bwegutuuka ku kubanja ensimbi za lisensi banguwa.
Ye akolanga Town Clerk wa Mubende Municipali Ssempala Emmanuel ategeezezza nti tractor eyoola kasasiro ebadde yayonooneka nga ekyetaaga okuddaabirizibwa nga 16 kyebaggye bagikozese.