Mmeeya wa Entebe Municipality Fabrice Rulinda akulembeddemu Abakiise ku Lukiiko lwa Entebe Municipality okugaana ebimotoka bya kasasiro ebibadde byolekera e Nkumba okuyiwayo kasasiro.
Rulinda agamba nti endagaano eyakoleddwa wakati wa Kampala Capital City Authority – KCCA ne Katabi Town Council kukweyambisa ekifo ky’e Nkumba awayiirwa kasasiro si ntuufu. Ono agamba nti ettaka eriweza yiika 14 lwa Municipality yadde nga lisangibwa mu Katabi Town Council.