Lawyer Kabatsi nga ono yawolereza Gen. Kale Kayihura awaddeyo okusaba kw’omuntu we okweyimirirwa, ono agamba nti omuntu we akyali munnamaggye wa UPDF nga alina emyaka 62, munnamateeka era nga alina n’amaka mu Makindye ku luguudo lwa Ssekindi era nga yakolanga nga IGP okumala emyaka 13. Ssentebe w’ekyalo gyabeera yawandiikira kkooti ebbaluwa ekakasa nti mutuuze we.

Ayongedde n’alaga nti ono alina amaka gabajaja be e Nyakabande mu Kisoro ekitegeeza nti tasobola kudduka.

Lawyer Kabatsi agamba Kayihura tazzanga ku musango gwonna munsi yonna okutuusa ku lw’okutaano lwa week eyise lweyasomeddwa emisango weyasomeddwa emisango gyokulagajjalira ebyokulwanyisa wamu n’okuwamba abantu ekitegeeza nti Munnayuganda agondera amateeka nga olwokuba emisango teginamusinga.

Ye akuliddemu oludda oluwaabi Maj. Rapheal Mugisha agamba  nti okusaba kwabwe yakufunye lunaku lwaggulo  era tanabaddamu, era agamba nti Kayihura talina kuweebwa baol okusinziira ku misango egimuvunaanibwa wabula Kkooti eyinza okumuwa bail n’obukwakulizzo obwamaanyi aleme kuyingirira kunoonyereza era nga bumuleetera okukomawo mu kkooti.