Kawooya awadde abalonzi be ettu

Abatuuze mu Ggombolola y’e Lwebitakuli mu Disitulikiti y’e Sembabule basabye omubaka omukyala akiikirira ekitundu kino Hanipher Kawooya okubayamba ku bbula ly’amazzi ku byalo ebiwerako olw’omusana omunji ssaako okubunyisa amasannyalaze mu bitundu by’e Lwebitakuli.
Okwogera bino babadde basisinkanye Hanipher Kawooya bw’abadde atongoza ekibiina mw’anaayita okutuusa enkulaakulana mu Sembabule ekya Hanipher Foundation nga bino bibadde mu kibangirizi e Lwebitakuli.
Ono abagumizza nti omwezi ogujja agenda kubakwasaganya n’ekitongole kya National water bafune amazzi amayonjo ssaako amasannyalaze nga wano w’asinzidde n’akwasa abakyala motoka ya ambyulensi enaabayambako okubatuusa ku ddwaliro okuzaala, abalimi n’abakwasa ebbomba ezifuuyira, enkumbi n’abavubuka n’abakwasa emijoozi basobole okuvuganya obulungi mu mpaka z’ebyemizannyo