Kaweefube w’okulambula ettaka lya Kabaka n’embuga z’amasaza atandise

Minisita w’ettaka, obulimi, ne Bulungibwansi, Owek Hajjat Mariam Mayanja Nkalubo, atandise kaweefube w’okulambula ettaka lya Kabaka, embuga z’amasaza n’okukola Bulungibwansi ow’omugundu mu Masaza.

Kaweefube ono amutandikidde Buweekula, ng’eno alambudde essomero lya Good Samaritan P/S e Kyadooki, oluvannyuma yeetabye mu musomo gw’ettaka, Bulungibwansi, obulimi n’obutonde bwensi, era wano abasomesezza obukulu bw’okukuuma ettaka n’ebiwandiiko ebiboogerako wamu n’okulikulaakulanya.

Mu ngeri yeemu, Owek Mariam asisinkanye abalunzi 60 abeegattira mu kibiina kya Mubende Livestock Co-operative Society, nga buli omu alina ente 100 nga bafulumya litre 3,400 buli lunaku.

Bwatuuse ku Mbuga ye Gombolola Mutuba 1 Kitenga, Owek Mariam alambudde olusuku wamu n’emirimu egy’enjawulo egikolebwa ku mbuga eno.

Mukume obutonde bw`ensi kubanga mwe muva n`omuka gwetusa, akubiriza abalimi okufuna abalimisa babayambe okutumbula omutindo kubye balima, era n`okutambuza emisomo ku Ttaka, Obulimi, Bulungibwans

Enteekateeka eno yakubuna Amasaza gonna 18 aga Buganda

📸 Buganda

0 replies

Leave a Reply

Want to join the discussion?
Feel free to contribute!

Leave a Reply