Akulira akakiiko akakwasisa empisa n’amateeka mu Palamenti, Hon. Abdul Katuntu avuddeyo natabukira Babaka banne abawakanya eky’Omubaka Munnakibiina kya National Unity Platform MP Zaake Francis Butebi okutwalibwa mu kakiiko akakwasisa empisa ku nsonga z’okuvoola mubaka munne Juliet Ssuubi Kinyamatama.
Abawakanya kino bagamba nti ensonga zaabano zaali bweru wa Palamenti nga tezisaanye kuyingizibwamu Palamenti nga waliwo ensonga enkulu eziruma Bannayuganda ezeetaaga okuteesebwako. Kino Katuntu akiwakanyizza nategeeza nti ababaka basusizza okubeera ba Ssemugayaavu nga wetaaga okubaawo ekikolebwa. Olwaleero akakiiko kano lwekasuubira okutandika okunoonyereza ku nsonga eno.