Katikkiro Mayiga atongozza oluyimba lw’ekika ky’e Kinyomo

Katikkiro wa Buganda Charles Peter Mayiga atongozza oluyimba lw'ekika ky'e Kinyomo. 

Katikkiro asinzidde Buddu ku butaka era awali embuga enkulu ey'ekika kino ku mukolo ogw'okulamaga ku butaka bw'ekika  era nga asoose kulambula mbuga ya Kawannaku esangibwa e Kyasa awali embuga enkulu ey'ekika kino. Mayiga oluvannyuma agguddewo ennyumba y'ekika ezimbiddwa bazzukulu ba Nakigoye nga bayita mu nkola y'okusonda kamu kamu ate olwo n'asimba omuti gw'ekijjukizo  ng'akabonero k'okukuuma obutonde bwensi.