Katikkiro Charles Peter Mayiga asisinkanye abakulembeze abalonde aba district ye Kassanda.

Pinterest LinkedIn Tumblr +
Katikkiro Charles Peter Mayiga asisinkanye abakulembeze abalonde aba district ye Kassanda. Bakulembeddwamu Ssentebe wa District omulonde Frank Kasirye Zimula.
Bazze okukiika embuga n’okufuna okulambikibwa kw’Obwakabaka ku ngeri gyebalina okutambulira awamu mu kuweereza abantu ba Buganda.
Katikkiro ategeezezza nti ebimu ku biremesezza Africa okukula bebakulembeze okwewalana buli kiseera yadde nga n’ekiseera ky’obululu kiwedde.
Agambye nti omukulembeze abeera wa buvunaanyizibwa nalondoola ekiruma abantu awatali kulowooza kwebyo ebibaawula. Abategeezezza nti yadde babalondedde mu langi zebyobufuzi ez’enjawulo naye ebiruma abantu tebikyuuka, omuli, obwavu, eby’enjigiriza, n’ebyobulamu.
Minisita w’Obuwangwa Ennono n’Obulambuzi, Owek David Kyewalabye Male, alaze okwennyamira nti waliwo abakulembeze abatandise okufuna amaanyi agasinga Obwakabaka. Abasabye okulaga obuwulize eri Namulondo.
Abakulembeze bano baguze Satifikeeti ya 2,620,000/= okuwagira emirimu gy’Obwakabaka.
Share.

Leave A Reply