Katikkiro yalambudde olusiisira lw’eby’obulamu olwategekeddwa ekitongole kya Kabaka Foundation ku Bulange, n’ekigendererwa eky’okugema abantu ba Ssaabasajja Kabaka obulwadde bw’ekibumba (Hepatitis B).
Mu kwogerakwe, Katikkiro yakubirizza abazadde okugemesa abaana endwadde, okubaliisa obulungi, wamu n’okubambaza engatto basobole obutakwatibwa ndwadde zinamutta. Yasabye abantu ba Kabaka okufaayo ku bulamu bwabwe nga bajjumbira okwekebeza kubanga olugendo lw’okuzza Buganda ku ntikko lujja kubeera lwangu nga abantu balamu.
Mu ngeri yeemu, omumyuka wa Katikkiro ow’okubiri era Omuwanika wa Buganda, Oweek Robert Waggwa Nsibirwa naye bamugemye, era yakubirizza abantu ba Buganda okugenda bafune obujjanjabi obwa ssente entono obubateereddwawo Ssaabasajja Kabaka.
Ye Minisita w’eby’obulamu, Dr. Prosperous Nankindu yeebazizza Ssaabasajja Kabaka olw’okufaayo ennyo ku bulamu bw’abantu be.
Okugema Hepatitis B kukyagenda mu maaso mu bimuli bya Buganda buli mwezi.