Katikkiro alambudde ekifo awabadde Kanisa ya St. Peter’s eyamenyeddwa mu Ndeeba

Agambye nti amateeka tegateekeddwa kussibwa mu nkola mu ngeri eyesittaza oba esiikuula emmeeme z’abantu n’okubalemesa okweyagalira mwebyo mwebakkiririza. Amateeka gateekeddwa kuleeta butebenkevu. Omunutu okweyimba mu kanisa naagimenya aba n’obuvumu bwakitalo.
“Ettaka liriko n’oluzzi Kalinda, lukulu nnyo mu Nnono ya Buganda, amazzi agava mu luzzi luno geyambisibwa nga Kabaka atikkirwa e Naggalabi”.
“Ng’obwakabaka tusimbye mu ddiini kubanga Ssekabaka Muteesa yeyayita abaminsani, era ng’obwakabaka obutudde ku nnono n’obuwangwa tetwandyagadde kulaba nga ekikosa eddiini kikolebwa oba ekidobonkanya obuwangwa kibeerawo.” Bwategeezezza.