Mu kaweefube w’okutumbula eby’enjigiriza mu bwakabaka, Katikkiro Charles Peter Mayiga ne Minisita w’Ebyenjigiriza Oweek Choltilda Nakate Kikomeko, babitaddemu engatto neboolekera e Ssaza Butambala okulambula amasomero abiri, Gombe sss ne Kibibi sss.
Mu kaseera kano Katikkiro asookedde ku Gombe sss, gyalambuziddwa ekizimbe kya myaliiro 4 ekizimbibwa okusulamu abayizi abalenzi, wano asimbyewo omuti ogw’ekijjukizo era abayizi bamulaze ebintu eby’enjawulo byebakola n’emikono omuli; obuggyo, okutunga engoye n’engatto.