Maj. Gen. Kasirye Ggwanga avuddeyo nakuba emotoka ya Catherine Kusaasira amasasi nagyabya omupiira nga alanga abayambi ba Kusaasira okuvuma wamu n’okuwogganira abaana be mu kiro ekikeesezza olwaleero.

Omwogezi wa Poliisi mu Kampala n’emiriraano SP Onyango agamba nti abaana ba Maj. Gen. Kasirye Ggwanga babadde bagula chips, abayambi ba Kusaasira nebatuuka n’emotoka nga erekaanya ennyimba. Abaana babasabye bakendeeze ku nnyimba zaabwe wabula bano nebagaana nebatandika okubawemula. Bano bakubidde kitaabwe eyatuuse mu bwangu era abayambi ba Kusaasira nebamutegeeza nti tali waggulu w’amateeka.

Kasirye Ggwanga agamba nti Kusaasira bweyazze yatandise kumuleekanira era nga ye okukuba emotoka ye essasi y’abadde agezaako kubatereeza bafune empisa. Ye agamba nti tajja kugenda ku Poliisi kuba ye talina musango gweyakoze.

Poliisi egamba nti yatuuse mu kifo kino era Kusaasira yaguddewo dda omusango ku SD ref. 107/29/1/2019 era nga bonna bakuyitibwa bakole sitiitimenti.