Kantinti ayozaayozezza Bobi Wine

Apollo Kantinti eyakwatira FDC bendera  okuvuganya ku kifo ky’omubaka mu Palamenti mu kalulu ka Kyaddondo ey’obuvanjuba akaakaddibwamu ssabbiiti ewedde, avuddeyo n’ayozaayoza Kyagulanyi Ssentamu aka Bobi Wine olw’okuwangula akalulu kano.

Kantinti bw’abadde eyogerako eri ab’amawulire ku yafeesi ye e Kasangati, ategeezezza nti mweteefuteefu okukolera awamu ne Bobi Wine era amwanjulire n’ezimu ku  zi pulojekiti zeyali ateereddewo abalonzi mu kitundu kino .

Wabula bw’abuuziddwa kyazzaako oluvannyuma lw’okuba nti yawangulwa mu kalulu, n’ategeeza nti agenda kwongera okwegatta ku bannabyabufuzi abavuganya Gavumenti okufuba okuzzaawo enfuga ennungu mu gggwanga .