Ababaka ba Palamenti abaakalayizibwa babukeerezza nkokola okweyuna Palamenti okulonda anaakubiriza olukiiko lwa Palamenti wamu n’omumyuka we.

Kadaga ayiseewo bulambalamba nga tavuganyiziddwa era nga ekitundu ekisoose ekyokulonda kikubiriziddwa amyuka Ssaabalamuzi Stephen Kavuma era y’alangiridde Rebecca Alitwala Kadaga ku bukubiriza bwa Palamenti ey’omulundi ogw’ekkumi.

Wabula wabadde ebbugumu nga omubaka wa Budadiri Nathan Nandala Mafabi awakanya ekya Pulezidenti Museveni okuba mu Palamenti nga balonda Sipiika,omulamuzi Kavuma kyeyeebalamye naagenda mu maaso n’okulangirira Kadaga era bwatyo naalayizibwa.

Wabula oluvannyuma lw’ekitudu ekyo okugenda obutooke, Kadaga abakaniddewo n’ogwokukubiriza okulonda agenda okuba omumyuka we nga embiranye eri wakati wa Muhammad Nsereko ne Jacob Oulanya.