Akubiriza olukiiko olukulu olw’eggwanga, Rebecca Alitwala Kadaga alabudde Minisitule evunaanyizibwa ku byensimbi nti ereme kuddira nga ebintu ebimu ebikozesebwa abakyala n’abaana okubibinika omusolo .
Kadaga ategeezezza Minisita omuwanika Kasaija nti waliwo entalo zabalwanye okumala ebbanga gamba nga okuggya omusolo ku mazzi, ebintu ebikozesebwa abakyala bwebaba bafumbiddwa Musoke n’ebirala ebigwa mu kkowe lino emyaka esatu egiyise naye oluusi nekitamubeerera kyangu nnyo.
Bino byonna ebyogedde bwabadde ng’ali mu kutongoza enteekateeka ekwata ku by’ekikula ky’abantu n’enkola yaayo ku yafeesi ya Minisitule y’ebyensimbi mu Kampala.
Minisita bino olumugudde mu matu n’asaba ekisonyiwo wabula n’agamba nti ekitongole ekivunaanyizibwa ku nsonga z’ebyomusolo ekya URA ne Minisitule y’ebyensimbi abakozi baabyo baalemererwa okuzuulayo ebintu ebirala ebiyinza okuggyibwako emisolo.