Sipiika wa Palamenti Rebecca Alitwala Kadaga atiisatiisizza okubonereza ababaka bonna abangoola omukulembeze w’eggwanga bw’aba azze okwogerako eri Palamenti.
Kadaga agamba nti wadde waliwo ababaka abamu mu Palamenti ababa tebakkaanyizza na nsonga za mukukembeze baba balina okumuwa obudde abe nga annyonnyola ensonga ze.
Agamba nti okusinziira ku mateeka agafuga Palamenti, omukulembeze buli lwajja okwogerako eri Palamenti balina okumuwuliriza n’obwegendereza.
Kadaga ayongeddeko nti ne gyebuvuddeko waaliwo obusiiwuufu bw’empisa obwakolebwa ababaka mu Palamenti bwebaali mu kuwenja akalulu k’ababaka abanaakika mu Palamenti etaba amawanga agali mu buvanjuba bwa Africa. Agamba ebintu nga bino biba bityoboola ekitiibwa kya Palamenti .