Ssebo mukulu Chameleon eyayimba Kipepewo,
Nzuukuse enkya ya leero nensanga ebbaluwa yo eri President Museveni nga esaasana ku mikutu egyenjawulo nga wegayirira Pulezidenti gwe wayimbira Tubonga naawe asonyiwe Hon. Kyagulanyi.
Chameleon mu bbaluwa yo osaba Presidnet Museveni okusonyiwa Hon. Kyagulanyi nga Taata olw’okusobya. Ssebo Chameleon osobola okunyamba ombuulire mpozzi n’abalala abayinza okubeeranga nga nze nga tebamanyi omusango Bobi gweyakoze olyoke osabe Pulizident amusonyiwe.
Ssebo Chameleon, nsuubira ojjukira bulungi Omuyimbi agambibwa okwokya omugenyi, ekituufu kiri nti Omuyimbi ono tali mukomera ndowooza lwakuba President yamusonyiwa wabula ye Kyagulanyi talina gweyasse, yawambiddwa okuva mu wooteri mu Arua.
Kati ssebo mukifo ky’okuddawo okusaba ekisonyiwo ky’abantu abakwatiddwa nebatulugunyizibwa nga tewali misango mituufu gibavunaanwa, gamba President wo ave ku Bannayuganda naddala abo ab’omulembe guno beyagalire mu ddembe lyabwe eryabaweebwa Katonda.
Ssebo Chameleon ninze ebbaluwa yo esinga nga ko ng’ogiwandiikira Mw. Museveni. Tosalira munno musango nga osuuta obwannakyemalira nga wefuula alumirirwa ennyo.
