gwebakutte ayenda alula

Omuwala Angel Katusiime 18, asanze muganzi we Ashraf Mbaziira 21, ng’asinda omukwano n’omuwala omulala n’amwambalira. Yamukutte amataayi ne bekuba ebikonde n’ebigwo. Mu kavuvungano omuwala gwe baabadde baleese yeemuludde n’adduka.

Katusiime ekiruyi yakimalidde ku bba n’amufumita n’ekiso ku mukono. Katemba ono yabadde mu kabuga k’omu Nyendo mu kibuga Masaka. Omuvubuka naye yeesimatudde ku muwala eyabadde ataamye okukira engo n’afuluma.

Wano omuwala kwe kwongera okutabuka obusungu n’abumalira ku bintu by’omu nju byonna okuli engoye, emifaliso n’abisalaasala, ttivvi, woofa, ebikopo n’amasowaani byonna n’abyasa ne pikipiki Mbaziira gy’abadde akolerako bodaboda n’agiwamu omunnyo n’okugikoonakoona.

George Sseruyange yategeezezza nti Katusiime yali yanoba ennaku nga 3 emabega kyokka kirabika waliwo eyabamubagulizzaako nga Mbaziira bw’ayingizzaawo omuwala omulala n’akomawo ng’aliko n’obumansuka.

Poliisi y’omu Nyendo yazze n’ekwata Katusiime n’aggalirwa ku poliisi. Bano baanenyezza Mbaziira olw’okusussa okukyusakyusa abawala ekiviiriddeko entalo mu maka gaabwe ezitaggwa.

Omwogezi wa poliisi mu Greater Masaka, Lameck Kigozi yakakasizza okukwatibwa kwa Katusiime

 

Zeen is a next generation WordPress theme. It’s powerful, beautifully designed and comes with everything you need to engage your visitors and increase conversions.

More Stories
Chris Mubiru appeals against 10 year jail term.