Gavumenti ya Rwanda eguddewo ensalo y’e Gatuna
Kyaddaaki Gavumenti ya Rwanda eguddewo ensalo yaayo ne Yuganda ey’e Katuna okusobozesa ebimotoka bi lukululana okusobola okutambula obulungi. Rwanda egamba nti egenda kuba egezesa ensalo yayo eya One-stop-border erabe bwekola.
Mu kiwandiiko ekifulumiziddwa ekitongole kya Rwanda ekivunaanizibwa ku kusolooza omusolo ekya Rwanda Revenue Authority (RRA) kiraga nti ensalo eno eguddwa yakugulwa okuva nga June 10, 2019 okutuusa nga June 22, 2019.
Ebbaluwa eno eraga nti edda mukusaba kw’ekitongole kya Rwanda Transport Development Agency eyanga June 7, 2019, nga kisaba ensalo eggulwewo okusobola okugezesa ebyazimbiddwa ku Gastuna (Katuna) OSBP nga tenawebwaayo mu butongole.
Kinajjukirwa nti ensalo y’e Katuna yaggulwawo mu February 2019 nga abasuubuzi babadde bakozesa ensalo Kyanika ne Kagitumba okuyingira Rwanda.
