Gavumenti eyimirize okuzimba eddwaliro ly’e Lubowa – Hon. Dr. Ayume Charles

By Simba News Correspondent January 12, 2024 1 min read

Dr. Ayume Charles Omubaka akiikirira Koboko Municipality asabye Gavumenti okuyimiriza okuzimba eddwaliro lya Lubowa Specialised Hospital erisuubirwa okumalawo akasiriivu 1 n’obuwumbi 44 olw’ensimbi ezibangibwa Uganda okweyongera nga kati liri mu busiriivu 97. Bino abyogedde oluvannyuma lwa Minisitule y’Ebyobulamu okukiriza nti emyaka 2 egiyise tewabadde kigenda mu maaso mu kuzimba eddwaliro ly’e Lubowa.

Minisita Dr. Jane Ruth Aceng Ocero mukwanukula yategeezezza nti betaaga obuwumbi 2 mu obukadde 700 okulondoola emirimu gyokuzimba eddwaliro lino. Ono agamba nti ensimbi zino zakozesebwa ba yinginiya okuva mu Ministry of Works and Transport-Uganda wamu n’abakungu okuva mu Ministry of Health- Uganda okulondoola emirimu egikolebwa kkontulakita omuggya eyaweebwa omulimu bwanaaba atandise okuzimba kuba Gavumenti teyateekewo nsimbi yonna kweyambisibwa mu kino.