Gavumenti eyagala kukomyaawo SGS

Gavumenti evuddeyo netegeeza nga bwetandise okukola enteekateeka z’okukomyawo Kkampuni ya SGS (Société Générale de Surveillance) okuva e Switzerland eddemu okwekebejja emmotoka ku nguudo okusobola okukendeeza ku bubenje obususse ku nguudo ensangi zino.

Kino kiddiridde ekitongole kya Uganda Police Force ekivunaanyizibwa ku bidduka okufulumya alipoota ku ntandikwa ya wiiki eno ng’eraga nga abantu abasoba mu 60 bwe baafuna obubenje, abasoba mu 20 ne bafa.

Kinajjukirwa nti kampuni eno yali yayimirizibwa okukola omulimu guno era yagenda okuyimirizibwa ng’ebanja Uganda obuwumbi obusoba mu 100 nga yali emaze n’okuzimba amatabi 7 mu bitundu by’Eggwanga eby’enjawulo.