Gavumenti erina ekiteeso nga kati eyagala okuziika n’okukungubaga kubeerewo ku wiikendi kwokka mu Yuganda mu kyeyise National Funerals Management Policy 2021. Singa ekiteeso kino kiyitamu kino kiba kitegeeza nti olunaku olwomukaaga ne ssande zezokka ezigenda okuba nga zikirizibwako okuziika n’okukungubaga mu mateeka, nti era olumala okuziika ab’enganda babeera balina okudda ku mirimu mu bunnambiro.
Mu kiteeso kyekimu Gavumenti eyagala okuteekawo ekifo ekyawamu awaziikibwa abakungu mu Gavumenti nga kino ekiyisizza mu kyeyise Zero Draft Policy ng’era okwebuuza kwatandise dda.
Okusinziira ku Mubeezi wa Minisita owa Public Service Grace Mary Mugasa aganba nti okwebuuza ku bantu kugendereddwamu okuzuula ebizibu ebibaawo mukukungubaga wamu n’okuziika nti era ekiteeso kino ekiggya kyakuyamba okuteereza ebyenziika n’emirimu mu Ggwanga okutwaliza awamu. Tubuuza ekiteeso kino kiyamba okukulaakulanya eggwanga oba?