Gavumenti evuddeyo ku bubenje
Ssaabaminisita Dr. Ruhakana Rugunda agumizza bannayuganda naddala abo abakozesa oluguudo oluva e Kampala okudda e Masaka nti ensonga y’oluguudo luno tesaagiriddwa busaagirirwa wabula Gavumenti egenda kubaako kyekola ku bubenje obugwa wano ne wali obwewanisa bannayuganda emitima.
Rugunda yategeezezza Palamenti akawungeezi akayise nti Minisitule evunaanyizibwa ku by’entambula n’enguudo, Police wamu n’ebitongole bya Gavumenti ebirala bakolaganira wamu okutangira obubenje.
Wabula mu bigambo bye yasibye abagoba b’ebidduka obutavuga ndiima ate n’okwewala okuvuga nga batamidde.
